Gibweltahan ni Antipolo City 2nd District Rep. Romeo Acop si Sen. Ronald Dela Rosa nga muundang na sa pagtago sa palda ni VP Sara Duterte ug atubangon tanan akusasyon batok kaniya niadtong PNP chief pa kini panahon sa Duterte administration.
Sa laing bahin,gipanghimakak ni Acop nga ang nahimong testimonya ni kanhi Ilo-Ilo City Mayor Jed Mabilog usa ka matang sa “demolition job” diin target matud pa si VP Sara ug ang mga kaalyado niini alang sa 2028 elections.
Gipunting niini nga lehitimo ang mga pangutana rason nga nanginahanglan kini og klarong tubag.
Wala sab matud pa ‘political manuevering’. Gani, trabaho matud pa sa komite ang magimbestiga ug magpanday og balaod aron maundang ang krimen.
Wala sab matud pa silay labot sa 2028 elections gumikan hustisya ang ilang gustong maangkon alang sa mga biktimang nangandoy niini.
Kahinumdumang gibutyag ni Maboilog nga pugsanon matud pa siyang paangkunon bisan way kamatuoran nga pulong batok ila kanhing senador Franklin Drilon ug Mar Roxas nga puros matud pa drug lords atol sa kampanyang war on drugs ni FPRRD.
