Giklaro ni Senador Ronald Bato Dela Rosa nga wala sumala pa siya nagtago-tago, mitayming lamang na anaa siya karun dinhi sa Mindanao aron nga mangampanya.
Gitubag sab niya ang mga pangutana og nganong sumala pa wala na kini nagpakita sa publiko, gumikan aduna matud pa silay ginabuhat nga petisyon labot sa pagkaaresto ni Duterte, rason nga ginadali sumala pa nila, diin wala na kini nakahigayon nga makagamit pa og cellphon, aron nga makafocus kini sa ilahang ginabuhat nga petition.
Nagpagawas sab kini og kahiubos ngadto kang Pangulong Bongbong Marcos Jr., labot sa ginahimo niini karun sa nasud, ingun man ang sitwasayon na sab ni kanhi Pangulong Rodrigo Duterte nga sa karun anaa na sa mga kamot sa International Criminal Court (ICC).
Gitawag ni Bato si PBBM, nga wala sumala pa kini usa ka pulong ang pangulo, gumikan sukwahi matud pa ang ginabuhat niini sa iyahang pinulungan nga pulos lamang mga pasalig kaniadto.
