Nagpahimangno karon ang Department of Social Welfare and Development sa publiko kabahin sa mikatag nga post sa social media mahitungod sa fake scholarship allowance.
Nasayran nga sa nasampit nga video, nakabutang niini ang tanan sumala nga mga estudyante sa nasud ang mamahimong makadawat sa nasampit nga allowance basta mag register lamang sa gihatag niining link.
Sumala pa sa ahensya, walay kamatuoran ang maong post ug bisan kanus-a wala nagapangayo ug personal nga impormasyon online ang DSWD gumikan kini ang tataw nga pagsupak sa Data Privacy Act.
Samtang nagpahinumdom sab ang ahensya nga mag-amping, dili pinduton ang mga link nga dili gikan sa mga official page sa ahensya ug batasanon nga sutaon una o i-verify ang nabasa online aron dili sab mabiktima sa mga scammer.
Dili sab gilayon nga motuo sa mga kadudahan nga source ug kung adunay makita nga susama niining matang sa post gilayo kining i-report sa ilahang buhatan.
