DAVAO CITY – Kasong theft ang iduso batok sa usa ka pulis human nga gikatawan niini ang iyang kaubanan nga pulis. Una ng naila ang suspek nga si PCpl John Francis Casicnan nga nadestino sa Mati Police Station sa Davao Oriental human niini nga gikawatan ang usa ka police recruit trainee nga si Patrolwoman Rhealen Aure sa Public Safety Basic Recruit Course.
Sa imbestigasyon sa kapulisan, gisulod sumala pa sa suspek ang female Ron-Ron Barracks sa Regional Training Center 11 ug nasakpan kini nga gikuha ang 5,000 pesos cash sa biktima.
Mismong ang mga kaubanan sa biktima ang nakasaksi usab sa gihimo sa suspek.
Sumala pa kang Police Major Ricky Obenza Chief of Police sa Tugbok Police Station nga dihang gisikop si PCpl Casicnan, kalit na lamang nga gilabay niini ang salapi ilalom sa lingkuranan nga nagkantidad ug 6,000 nga gituohang gikan sa pagpangawat.
Sa kasamtangan padayon ang gipahigayon nga imbestigasyon sa kapulisan kung si kinsa pa nga mga trainee ang nawad-an ug salapi ug mga butang. Sa kasamtangan, balhug sa presohan ang suspetsado.
