DAVAO CITY- Magpadayon gihapon ang mga otoridad sa pagpangita sa nagtago-tago nga si Pastor Quiboloy ug upat niini ka mga kaubanan.
Kini ang giluwatang pahayag sa PRO-11 human sa miguwa nga pamahayag ni Vice Presidente Sara Duterte kabahin sa giingon niini nga abuse of power sa pagsilbi sa warrant of arrest batok sa mga akusado.
Sumala pa ni P/Maj. Catherine Dela Rey nga ilahang girespeto ang pahayag sa bise president apan dili kini makababag o makapahunong sa ilahang operasyon ug gipangante niini nga dili sila mo-undang hangtod nga madakpan si Quiboloy.
Una ng ginakanayon sa bise presidente nga nagtuo siya nga wala na sa dakbayan ang Pastor gumikan sa taas nga panahon nga nagpabilin kining gawasnon.
Apan gibarugan sa mga otoridad nga lig-on ang ilahang mga nahipos nga impormasyon nga anaa pa gihapon si Quiboloy sulod sa trenta ka ektarya nga luna sa KOJC compound.
