DAVAO REGION- Subling gisiguro sa Police Regional Office XI ngadto sa publiko nga walay Philippine Offshore Gaming Operation kon POGO hub nga naga operate sa rehiyon onse.
Ang maong kumpirmasyon ang naggikan kay PRO XI Spokesperson Major Catherine Dela Ray human nga nasikop ang manager sa Lucky South 99 dinhi mismo sa Davao International Airport.
Sumala pa ni Dela Ray nga ang maong insidente ang isriktong butang na sa immigration ug nga wala silay detalye niini gikan sa AVSEU o lain pa mang grupo mahitungod sa POGO operations.
Kahinumdumang tungod sa maog panghitabo, mas gipahugtan pa karon sa Bureau of imigration ang pagbantay sa Francisco Bangoy International Airport human nga nababagan ang pagulay unta sa pag-ikyas sa usa sa mga boss sa POGO ilawom sa kompanya nga Lucky South 99 sa airport dinhi sa dakbayan sa Davao.
Sumala pa sa Immigration nga pahugtan nila ang pag-check sa mga langyaw karon nga mogawas dinhi sa nasud nga moagi sab dinhi sa dakbayan sa Davao human sa kapakyasan nga pagsulay sa opisyal sa Philippine Offshore Gaming Operatioon kon POGO niadtong Dominggo.
Ang usa ka babaeng Chinese national nga gihold sa Immigration ug nadakpan sulod sa Davao International Airport nga kini gikumpiram nga usa sa mga boss sa Lucky South 99.
Nasayran nga ang babaeng suspek nalakip sa Immigration Bulletin Lookout Order (IBLO) nga gipaguwa sa Department of Justice, nga kini ang nagsilbing manager sa Lucky South 99, nga kabahin sa usa ka illegal POGO hub nga gironda sa mga otoridad sa Porac, Pampanga.
Una ng gikanayon sa Presidential Anti-Organized Crime Commission (PAOCC), nga nababagan sa Immigration sa Davao Airport niadtong Dominggo sa gabii ang sumala pa manager sa Lucky South 99.
Gidala na sa detention center ang wala panganli nga babaeng Chinese manager sa POGO hub.
Gilayon sab nga gidala sa dentention center sa kauluhan ang gikaingong manager sa POGO nga nababagan sa iyahang pagsulay nga mosibat sa nasud.
Bisan pa sa maong insidente gibarugan ni PRO XI nga walay naga operate nga POGO hub sulod sa rehiyon onse.
