DAVAO CITY- Giakusahan ni Atty. Israelito Torreon ang kapulisan ug carnapping gumikan sa laraw niini nga kumpiskahon ang Firetruck nga gipanag-iyahan sa KOJC gumikan sa pagharang niini sa mga otoridad sa ilahang padayon nga gihimong operasyon kaganihang udto.
Sumala pa ni PRO-XI Director, PBGEN Nicolas Torre III nga apil sumala pa sa mga ebidensya ang maong sakyanan nga ginagamit sa mga sumusunod ni Quiboloy isip pangharang batok sa kapulisan.
Apan gipaklaro ni Torreon nga ang nasampit nga truck ang gigamit sa hatod ug tubig alang sa establisemento sa ilahang operasyon.
Gipaklaro usab niini nga walay sayop sa paggamit niini niadtong nakalabay nga semana gumikan kini naatol sumala pa sa nahitabo nga prayer rally.
Sa karon wala pay tubag ang kapulisan sa pamahayag ni Torreon nga usa sa mga abogado ni Pastor Quiboloy.
Samtang sa laing bahin, gipaklaro usab sa PRO-11 atol sa press conferrence nga walay harassment sa ilahang pagsulod sa KOJC partikular sa Emerald Gate sa compound.
Sumala pa sa opisyal nga walay nahitabong harassment tungod mipatuo sumala pa ang mga miyembro aron mapadali ang pagsulod-gawas sa PNP ingon man sa KOJC members.
Samtang atol sa pagsulod niini mismong si PRO-11 P/Brig. Torre ang nagmando sa mga myembro nga dili babagan ang mga pulis sa pag-abri sa gate aron dili mag-atuabang ug kaso.
Tudo man nilampos ang mga otoridad.
Sa karon anaa na sa ikatulo nga adlaw sa pagapangita kang Pastor Quiboloy ug upat niini ka mga kaubanan sulod sa KOJC compound.
