DAVAO CITY – Nagmugna karon ang City Council ug ordinansa diin mandato nga magpa-rehistro ang tanan nga mga private child development centers (CDC) ug learning centers (LC) sa siyudad.
Una ng napalabang sa ikaduhang pagbasa sa gipahigayon nga sesyon sa konseho ang nahisgutan nga sugyot.
Sa higayon nga maaprubahan, sakop na sa maong balaudnon ang tanan nga mga centers nga nagtangyag ug early childhood care and development programs sa mga bata nga edad kuwatro anyos pataas.
Giduso sumala pa ang nahisgutan nga sugyot sa Committee on Women and Children and Family Relations ng gidumala ni outgoing Councilor Avegayle Ortiz-Omalza.
Tumong sumala pa niini nga masiguro nga ang tanan nga ang mga private centers nga adunay early childhood care and development (ECCD) programs sa siyudad ang nagtanyag ug kalidad nga pag-atiman.
Sa higayon hingpit na nga mapatuman ang nahisgutan nga ordinansa, mandato ang mga supervisor, administrator, director o principal nga i-rehistro kini sa buhatan sa City Mayor, pinaagi sa City Social Welfare Development Office aron nga makakuha ug permit to operate ug mapailalom sa inspeksiyon ug evaluation aron nga masiguro ang kalidad ug kung mitamod kini sa compliance sa ECCD programs.
Ang LCs ug CDCs mopailalom sa evaluation process alang sa issuance sa permit to operate ug ma-recognize sa ECCD Council aron nga masiguro ang quality care sa early childhood education programs ilalom sa gimugna nga ordinansa.
