Mosaka karong adlaw, Agosto 25, ang presyo sa mga produktong petrolyo, diin diesel ang adunay pinakadakong adjustment nga moabot sa P2.31 kada litro.
Matod sa Department of Energy, mosaka usab ang presyo sa gasolina og hangtod P1.08 kada litro, samtang ang kerosene adunay dugang nga 95 sentimos kada litro.
Gipatuman sa mga oil company ang bag-ong presyo sugod karong Martes, nga gipaabot nga direktang makaapekto sa gasto sa mga motorista ug transport operators.
Dugang pa, giingon sa DOE nga igo pa ang fuel inventory sa nasod alang sa gibanabanang 47.22 ka adlaw.
Matod ni Jetti Petroleum President Leo Bellas, padayon nga nakaapekto sa global oil prices ang nagpadayong gubat sa Middle East, nga usa sa mga nag-unang oil-producing regions sa kalibotan.
Sa pagkakaron, ginamonitor gihapon sa DOE ang lihok sa international oil market samtang gipaabot nga magpadayon ang volatility sa presyo depende sa dagan sa tensyon sa Middle East.| VIA BOMBO EROS PAJOTA
