-- ADVERTISEMENT --
Misaka na ang presyo sa lana sa Asia karong adlawa human sa nahitabong kagubot sa Middle East human sa military strikes sa United States ug Israel batok sa Iran.
Subay sa gipatuman nga bag-ong presyo sa Brent Crude, anaa na sa kapin $80 kada barrel kon 10% gikan sa $72.87 nga closing price niadtong Biyernes.
Kahinumduman nga niadtong miaging semana pa nagsugod ang pagsaka sa presyo sa Brent, bisan wala pa ang pag-atake sa US ug Israel sa Iran.
Tungod sa nagkagrabe nga tensyon sa rehiyon, namiligro usab ang maritime transport, ilabi na sa Strait of Hormuz, diin naga-agi ang gibana-banaan nga 20 porsyento sa suplay sa lana sa tibuok kalibutan.
