DAVAO CITY – Nakadawat ang mga biktima sa linog ug assistance gikan sa mga miyembro sa Presidential Security Group (PSG) diin gihatag sa mga nahisgutan ang ilang subsistence allowance aron nga ipalit ug food packs ug tambal.
Ang relief goods gihatag sa lima ka mga barangay sa Makilala Elementary School sa North Cotabato.
Sumala pa kang PSG Chief Brig. Gen Jose Eriel Niembra ang mga relief goods naggikan sa one-day subsistence allowance sa 2,700-strong member troops.
Nakiglambigit sab ang PSG tali sa Municipal Disaster Risk and Reduction Management Council (MDRRMC) sa Makilala aron nga mahatag ug tarung ang mga relief goods.
Una niini, nakadesisyon ang mga nahisgutan nga tigumon ang ilang usa ka adlaw nga subsidience nga gikan sa 2,700 personnel sa PSG.
Ang PSG gilangkuban sa Army, Navy, Airforce, Marines, Naval Special Operation Group, Police, Bureau of Fire and Protection, Special Action Force, Philippine Coast Guard ug mhga personahe gikan Metro Manila Development Authority nga maoy nagkontrola sa dagan sa trapiko sa Manila.
Natunol sa mga nahisgutan ang 500 foodpacks ug mga kahon sa medisina sa kapin kun kulang 800 ka mga biktima sa linog nga gikan sa barangay Poblacion, Luayon, Batasan, Malasila, ug Saguing.
