Pormal na nga nangatungdanan sa Davao City Police Office ang bag-ong director nga si Col. Peter Madria, nga mihulip kang Col. Mannan Muarip nga miserbiyo sulod sa walo ka bulan isip city Director.
Gipangunahan ang change of command ceremony ni Brig. Gen. Leon Victor Rosete kaganihang buntag diin gipahigayon ang Arrival Honor alang sa nahisgutang opsiyal alang sa Turn-over of Office Ceremony sa bag-ong City Director sa Davao City Police Office sa Camp Captain Domingo E. Leonor, San Pedro Street, ning syudad sa Davao.
Sa pamahayag ni Col. Muarip giila niini ang suporta sa publiko alang sa kalambuan sa kahimtang sa peace and order, pakigrelasyon sa komunidad, ug kinatibuk-ang kaayuhan sa kapulisan.
Gipasigarbo usab niini ang napadayon nga kalinaw sa syudad bisan paman sa hamubo nga panahon sa iyahang pagpangatungdanan samtang gibutyag niini ang dedikasyon sa DCPO sa professionalism ug accountability.
Una nang nagpahibalo si Col. Muarip kagahapong adlawa kabahin sa gikatakdang paghulip kaniya sa maong katungdanan.
Una na usab kining nagpasalamat sa kapulisan ug katawhan sa syudad sa pagahatag kaniya og suporta samtang kini nagsilbi sa syudad sulod sa walo ka bulan.
