DAVAO CITY – Gikompirma ni Davao del Sur PNP Provincial Director Police Supt. Samuel Gadingan nga tulo ka mga kapolisan gikan sa Bansalan PNP ug usa ka sakop sa Scene of the Crime Operatives (SOCO) ang napatay sa pagpang-ambush sa Barangay Sibayan, Bansalan, Davao del Sur alas 7:30 kaganinang buntag.
Una nang naila ang mga napatay sa pagpang-ambush sa mga rebeldeng NPA nga sila si PO1 Rolly Benelayo, PO1 Joe Narvaza, PO1 Saro Mangutara nga mga sakop sa Bansalan Municipal Police Station (MPS) ug usa ka PO3 Jayden May Rabor, sakop sa SOCO Digos City.
Samtang ang naluwas human maka-ambak sa Patrol Car Number 4 mao si PO3 Allen Arnado nga sakop sab sa SOCO Digos City.
Nahurot ug dala sa mga rebeldeng New People’s Army ang mga armas sa napatay nga mga kapolisan sa Bansalan ug SOCO Digos human sa natigayon nga pagpang-ambush kaganinang buntag.
Sumala pa kang P/Supt. Gadingan daghanan nga mga sakop sa rebeldeng NPA ang milusad sa nahisgutan nga pagpang-ambush.
