Nakasinati og kusog nga mga pag-ulan ang pipila ka bahin sa Davao Region kagahapon sa hapon gumikan sa epekto sa localized thunder storm nga miresulta sa pagbaha sa pipila ka mga lugar.
Usa sa mga apektado ang probinsya sa Davao del Norte nga nakasinati og mga pagbaha nga taga hawak sa mga residente.
Kagahapon gibutyag sa CDRRMO Tagum nga kalit nga nakasinati og pagbaha ang Purok 2-A, Brgy.Magdum, human sa kusog nga bundak sa ulan.
Kahinumduman nga sa nakalabay nga adlaw dali nga miresponde ang mga personahe sa CDRRMO Tagum sa usa ka insidente sa Purok 5, Brgy. La Filipina, pasado alas Singko sa hapon human matumbahan og kahoy ang usa ka balay tungod sa kusog nga hangin ug ulan.
Hinuon luwas ang nagpuyo sa maong balay, apan adunay gamayng danyos sa ilang panimalay tungod sa maong panghitabo.
Samtang sa laing bahin, nakasinati usab og pagbaha ang Purok 8-A, Barangay Limbaan, New Corella, Davao del Norte kagabii gumikan sa kusog nga bundak sa ulan nga adunay kusog nga hangin.
Niabot pa sa hawak ang kalawom sa tubig baha nga misulod na sa kabalayan.Nanghinaot ang mga residente nga pulihan og bag-ong tulay sa hinanaling panahon ingon man mga bag-ong kanal tungod namatikdan niini nga matag adunay pagbundak sa ulan, makasinati gilayon og pagbaha ang mga residente.
Samtang nagpahimangno karon ang hingtungdanng ahensya sa kagamhanan ngadto sa mga katahwan nga nanimuyo sa mga tiilan sa kabukiran nga mag-igmat karong panahuna s amga pag-ulan sanglit ang mga kayutaan ang bag-o lamang gitay-og nga maghataod kini og peligro sa pagdahili sa yuta.
