Plano karon sa Department of Transportation (DOTr) nga dugangan ang pagpailawom sa privatization sa mga tugpahanan sa nasud.
Tumong niini nga mapagaan ang trabaho sa Civil Aviation Authority of the Philippines (CAAP) nga nahimong operator ug regulator sa halos tanang airpot sa nasud.
Gibutyag ni DOTr Undersecretary for Aviation and Airports Roberto Lim nga sa mosunod nga semana magbaton sumala mpa ug kasabutan ang ahensiya sa usa ka private company alang sa maintenance sa Laguindigan Airport sa Misamis Oriental.
Dugang pa niini nga ang nasampit nga proyekto ang nagkantidad ug P12.75 bilyon alang sa 30-ka tuig nga consession period.
Pipila sa mga nakalinyang ipailawom na sa posibleng public private partnership deal mao ang mga tugpahanan sa Iloilo, Puerto Princesa ug sa Kalibo.
Sa kinatibuk-an, 90 na ka mga tugpahanan sa nasud lakip na ang mga gagmay nga airports sa mga isla, ug lima lamang niini ang gidumala sa private companies ug kini ang gilangkuban sa Ninoy Aquino International Airport, Mactan-Cebu International Airport, Clark International Airport, Caticlan Airport, ug Laguindingan Airport.
