Gipabasura sa Office of the Solicitor General (OSG) sa Supreme Court (SC) ang petisyon sa puganteng si Pastor Apollo Quiboloy nga mikwestyon sa silot nga contempt, arrest ug detention order nga gipagawas sa Senado batok sa iyaha.
Sa 45 nga pahinang komento, gipangayo sa Senado pinaagi sa OSG nga ibasura ang petition ni Quiboloy nga nagpabiling nagtago-tago.
Nakabutang sa komento nga mismong si Quiboloy ang nagbutang sa alanganin gumikan kay kung mitambong kini sa mga pagdungog sa Senado, dili kini mabutang sa hugot nga kahimtang.
Grabe kuno kakusog ang pagsalig ni Quiboloy aron mangayo ug panabang sa hukmanan bisan paman sa pagsupak niini sa kamara ug Senado.
Kung kahinumduman nga sa bulan sa Enero, gipadala sa Senado kang Quiboloy ang imbitasyon nga mo-atubang sa committee hearing.
Apan inay nga mo-atubang, gipadala niini ang iyang abogado aron mutambong sa pagdungog.
Homan ang pipila kahigayong pagpadala ug subpoena kang Quiboloy, nakadesisyon ang Senado nga pahamtangan kini ug contempt ug gipaaresto.
