Gitay-og sa magnitude 6.7 nga linog ang southern Peru kaniadtong Huwebes,Agosto 20, 2026 sumala sa United States Geological Survey (USGS), samtang 7.2 ang sukod sa Peru’s Geophysical Institute (IGP).
Natala sa alas-1 sa hapon ang linog, nga adunay epicenter 38 kilometro sa northwest sa Upahuacho, Ayacucho, ug giladmon nga 66.7 kilometros. Gibutang sa IGP ang giladmon niini sa 108 kilometro.
Nabati ang kasarangang hangtod kusog nga paglinog sa daghang siyudad, lakip ang Ica ug Arequipa, ug Lima, sumala sa mga correspondent.
Subay sa mga hulagway nga gipaambit sa Peruvian media, makita ang pagkahugno sa mga bato ug yuta sa mga bakilid palibot sa Coracora, ang pinakaduol nga dakong lungsod sa epicenter.
Matud ni Coracora Mayor Yony Odon nga mihikling ug nangita og luwas nga lugar ang mga residente human sa maong pagtay-og.
Gikumpirma usab sa Peruvian Navy nga walay hulga sa tsunami.Sumala ni Luis Vasquez, head of Civil Defense, wala pay gikatahong namatay, nasamdan, o adunay mga dakong kadaot, samtang napadayon ang assessment sa mga awtoridad.
Kahinomduman nga kanunay makasinati og linog ang Peru tungod kay nahimutang kini sa Pacific “Ring of Fire.” ug nakatala usab og usa ka magnitude 7.9 nga linog sa Ica region nga mipatay og hapit 600 ka tawo kaniadtong 2007.
