Gipasundayag ni Pangulong Ferdinand Marcos Jr., atol sa SONA niini kagahapong adlawa ang nagkadaiyang proyekto ug programa sa gobyerno aron mapakusog pa ang sektor sa agrikultura ug aron makab-ot na ang food security sa nasud Pilipinas.
Sumala pa sa Pangulo nga tutukan gayud sa iyahang administrasyon ang pagpakusog pa sa mga lokal nga produksyon.
Gawas sa mga proyekto, gihatagan usab og gimbug-aton ni PBBM ang pagbaha og suporta sa gobyerno sa mga mag-uuma ug mananagat sama sa pag-apod-apod og 100 milyon nga kilo sa nagkadaiyang mga produkto aron malikayan ang pagkadaot sa mga produkto.
Nanghatag usab ang gobyerno og kapin 300,000 ka mga hayop aron kini ang mapadaghan.
Kapin 500,000 milyon usab nga fingerlings ug 3,000 ka bangka ang na-apod-apod alang sa mga mananagat. Nakatabang usab ang mga gibuhat nga pag-ayo sa mga fish ports nga buot masuportahan ang fishery industry.
Gipasundayag usab sa Pangulo nga mahumanay na ang anaa sa 1,200 kilometro nga farm to market roads sa tibuok nasud nga dakong tabang aron mapadala ang pagbaba sa mga produkto nga pang-agrikultura padulong sa merkado.
Sa pagkakaron, matud pa sa Presidente nga sugdan nas usab sa gobyerno ang proyekto nga ‘Lawa at Binhi’ kong diin ginabuhat na ang mga moderno nga punduhanan og tubig aron mas mahimong andam ug protektado ang mga mag-uuma sa bahad sa mga kalamidad.
