Gimandoan karon ni Pangulong Ferdinand Bongbong Marcos ang Armed Forces of the Philippines (AFP) nga minusan ang tensyon sa China kalabot sa ginailugang kadagatan sa West Philippine Sea.
Sumala pa ni AFP Chief Gen. Romeo Brawner Jr, nga klaro nilang gilatag ang rules of engagement kung diin gipresenta usab nila ang updated territorial defense plan sa Presidente.
Samtang gikalipay usab sa opisyal ang gikabutyag nga plano gumikan makonsidera kining holistic approach.
Dugang pa nga dili lamang kini nagatutok sa external defense kondi lakip na ang sa tibuok nasud Pilipinas.
Wala na gidetalye pa ni Brawner kung unsa ang ilang pagabuhaton aron maminusan ang tensyon sa West Philippine Sea, apan gipasalig niini nga magpadayon ang ilang rotation and resupply mission sa BRP Sierra Madre sa Ayungin Shoal.
Kahinumduman nga una nang gikabutyag sa pangulo nga i-level up ang pagtubag sa isyu sa West Philippine Sea ug dili lamang magsalig sa diplomatikong protesta.
