DAVAO CITY – Gisugyot karon sa San Pedro PNP ang pagpailalom sa autopsy sa patay’ng lawas nga narekober ilalom sa kama sa D’Morvie inn sa dalang San Pedro St. ning dakbayan sa Davao.
Kahinumduman nga una ng naila ang biktima nga si Rubenaire Rabara, 41, lumad nga taga Pangasinan nga gikanayong gipatay sa duruha ka mga lalaki samtang naka-check in sa Room 76 sa 2nd floor sa nahisgutan nga gambalay.
Matud pa kang Police Chief Inspector Ramil Macarampat ang hepe sa San Pedro PNP, buot nila nga ipailalom sa otopsiya ang patay’ng lawas sa biktima aron nga masayran kung unsa ang gikamatyan niini bisan tuod nga aduna na silay inisyal nga imbestigasyon.
Kalakip sab sumala pa sa gipanubayan karon sa otoridad mao ang relasyon tali sa biktima ug sa suspek.
Padayon sab sila karon nga nakiglambigit sa mga posibleng kabanay ni Rubenier aron nga mapahibalo ang gidangatan niini.
Gitataw sab ni Macarampat nga palawman sab nila karon ang nahimong sabot tali sa suspek ug biktima nga gikanayong wala natuman pinasikad usab sa gibilin nga mensahe nga gisulat sa salamin.
