Nangguwa ang mga panawagan ug hungihong karon sa pipila ka mga katawhan, labot sumala pa nga gaawhag ngadto kang Pastor Apollo Quiboloy nga mudagan kini isip pagka Senador sa nasud Pilipinas.
Adunay miuyon gumikan katungod sumala pa ni Quiboloy ang mudagan sa bisan unsang posisyon karun sa gobyerno, gumikan wala pa usab kini na konbikto sa mga alegasyon nga gibatok ngadto kaniya.
Apan aduna usab wala miuyon gumikan na sab sa mga isyu nga padayong ginaatubang niini, susama sa mga kaso nga padayong ginataral sa korte sama sa child abuse, sexual abuse, human trafficking, money laundering, ug labaw sa tanan anaa sab kini sa bilangguan.
Dugang pa usab sa pipila ka mga indibidwal nga aduna sumala pa katakus nga mudagan kini isip opisyal sa gobyerno, gumikan dato sumala pa ang maong nahisgutan ug adunay minilyon sab ka mga indibidwal ang mituo ug nagasunod kaniya.
Kahinumdumang, una nang gibutyag ni Quiboloy, kaniadtong wala pa kini nadakpan sa mga otoridad nga aduna kini laraw nga musulod sa politika ug mangulo sa nasud, gumikan na usab sa padayong paghatag matud pa ug kahasol ang kasamtangang gobyerno karun ngadto kaniya ug sa iyahang konggregasyon.
