Gipahayag sa National Bureau of Investigation (NBI) nga nahilakip sa ilahang immigration lookout bulletin (ILBO) ang mga pangalang Alice Guo ug Guo Hua Ping.
Kini ang giluwatang pahayag ni BI spokesperson Dana Sandoval taliwala sa mga nanggawas nga balita nga mamahimong mibiya na sa nasud ang gisuspende nga si Bamban, Tarlac Mayor Alice Guo ginamit ang Chinese passport niini susama sa gipahayag ni Senator Sherwin Gatchalian.
Gipagawas ang ILBO aron i-double check kung adunay natanggong nga warrant of arrest batok sa bisan kinsa o lantawon ang ilahang mga itinerary sa higayong sulayan nila nga mubiya sa nasud.
Una niini gikumperma sa National Bureau of Immigration (NBI) nga ang suspendidong Mayor ug si Guo Hua Ping ang usa ka tawo lamang.
Kung kahinumduman si Guo ang giakusahang nalambigit sa mga iligal nga Philippine Offshore Gaming Operation (POGO) hubs.
Si Guo nga kasamtangang giimbestigahan ang tinuod nga citizenship ug pagkatawo niini, gipailalom sa unom ka bulang preventive suspension nga walay bayad sa Office of the Ombudsman niadtong Mayo 31 gumikan sa reklamong administratibo sa Department of the Interior and Local Government (DILG).
Nag-atubang usab kini sa imbestigasyon sa Senate Committee on Women, Children, Family Relations, ug Gender Equality.
