Pamilya sa na-missing nga mga sabungero nanawagan sa gobyerno nga sugdan na ang pagsalom

Padayon ang panawagan sa mga paryente sa nawagtang nga mga sabungero ngadto sa gobyerno nga magsugod na og pagsalom sa Taal Lake.

Matod ni Aurelio Panaligan, uyuan sa duha sa mga nawagtang nga sabungero, nga kinahanglan nga buhaton gilayon ang pagsalom human sa pagbutyag sa usa sa mga testigo.

Giinsistir niini nga kon tinuod man gyud ang gisulti sa testigo, dili na angay nga magduha-duha pa ang gobyerno sa paglihok.

Una nang gipahibalo sa Department of Justice nga mangayo sila og tabang gikan sa mga expert divers alang sa hingpit nga pagpangita sa mga lawas sa mga sabungero.

Kahinumduman nga gibutyag sa testigo nga gilabay sumala pa nila ang mga lawas sa mga biktima sa Taal Lake.