DAVAO CITY- Nakabsan sa kinabuhi ang usa ka painter human nga nakuryentihan samtang namintura kini sa usa ka balay pasado alas onsi ang takna kaganihang udto.
Subay sa report gikan sa Tugbok PNP, naila ang biktima nga si alias Ricky, 21-anyos, adunay kapuyo nga residente sa Purok 16 Don Roman Brgy Sto Niño, Tugbok District ning syudad sa Davao.
Sa imbistigasyon sa kapulisan nahitabo kini sa Prk14 Yellowbell St Tugbok District, nga ang biktima namintura kini sa usa ka rooftop sa LADICA residence, apan aksidente sumala pa kining nakuryentihan a wire sa DLPC nga anaa lamang kini sa ibabaw nga bahin sa iyahang nahimutangan.
Dali nga girespondehan ang maong panghitabo sa USAR sa Cetral 911 ug gidali sa pagdala ang wala na’y panimuot nga biktima sa Adventist Hospital alang sa pagsalbar sa iyahang kinabuhi.
Sa pagkakaron nagpadayon pa ang gihimong imbistigasyon sa maong panghitabo.
