Gibalhin sa Los Angeles, California court ang schedule sa mga pagdungog sa patong-patong nga kaso ni Kingdom of Jesus Christ (KOJC) leader Pastor Apollo Quiboloy.
Ang scheduling conflicts sa mga abogado sa KOJC sa ubang mga kaso sa Los Angeles ang nabutang isip exhibit o documentary evidence sa mando sa korte.
Gumikan niini, gibalhin sa District Court sa Central District sa California ang petsa sa pagtaral gikan Nobyembre 5, 2024 ngadto sa Mayo 20, 2025 na ang pre-trial conference ang gikatakda sa Abril 7, 2025.
Gipaburan sa korte ang gipangayo sa mga abogado ni Quiboloy ug sa kaubanang akusado aron maseguro nga mahatagan ug hustisya.
Magpadayon usab ang status conference hearing gikan Oktober 21, 2024 hangtod April 7, 2025. Gawas kang Quiboloy, ang uban pang mga akusado nga mga opisyal usab sa KOJC sa California mao si Guia Cabactulan, Marissa Duanes, Bettina Roces, Felina Salinas, ug Amanda Estopare.
Nahilakip sa giatubang nilang mga kaso mao ang conspiracy to engage in sex trafficking by force, fraud, and coercion; sex trafficking of children; marriage fraud; fraud and misuse of visas; bulk cash smuggling; promotional money laundering; concealment money laundering; ug international promotional money laundering.
