DAVAO CITY – Gikabalak-an sa Department of Health 11 ang pagkawang sa suplay sa mga booster doses batok COVID19. Gikanayon ni Dr. Gerna Manatad, assistant regional director sa DOH 11, anaa lamang sa 667,934 kon 17.6% ang nabakunahan na ug first booster dose diri sa rehiyon.
Sa kinatibuk-an, 3.3 million kon 94.7% ang nakakuha sa first dose diri sa Davao Region. Busa, laraw sa buhatan nga pakusgan pa ang pag-aghat sa katawhan nga magpa-booster.
Dugang pa ni Manatad, kinahanglang magbaton ug booster dose ang mga nasa 12 to 17 age group nga anaa sa 105.9% sa kapin 136,000 ka mga batan-on; ug gukdon ang gidaghanon sa mga batang nasa 5 to 11 age group nga anaa lamang sa ubos na 45.5% sa 301,000 ka mga bata.
Gikumpirma sab ni DOH Undersecretary Abdullah Dumama nga pokus karon sa ipahigayong Bakunahan Bayan karong Disyembre 5 hangtud 7 ang mga anaa sa singko ngadto sa onse anyos nga pangidaron.
Gikabutyag sa buhatan nga usa ang Davao Region sa mga rehiyon nga kinahanglang lugwayan pa ang ilang kampanya alang sa pagpabakuna kontra COVID19, ilabi nang gipaluag na ang mga restriksyon sa kinatibuk-ang bahin sa rehiyon alang sa nagkaduol na Holiday season.
via || Bombo LJ Florendo
