DAVAO CITY – Mas molig-on pa ang ipahigayon nga pagbantay sa otoridad sa mga kabaybayanon kini tungod sa mga kahimanan.
Kahinumduman nga midunggo kagahapon sa Sasa Wharf, Sasa ning siyudad ang Arrival Ceremony sa BRP Conrado Yap (PS39).
Kini sumala pa ang pinaka-bag-ong commisioned vessel sa Philippine Navy nga kanhi nailhan sa tawag nga Republic of Korea Navy (ROKN) Pohang-class corvette Chungju (PCC-762PS).
Dako sumala pa ang matabang sa maong barko aron nga depensahan ang nasod batok sa bahad sa terorismo kini tungod aduna kini anti-submarine warfare, anti-air warfare ug anti-surface warfare.
Kargado sab kini ug mga nagkadaiyang armas panggubat sama sa TORPEDO, RBOC, OTO MELARA, LIOD,SONAR, CAS, OTO BREDA ug daghanan pa.
Una ng gibutyag ni Capt. Marco Buena Philipppine Navy (General Staff College) commanding officer, nga tumong sa pagbisita sa barkong panggubat dinhi sa dakbayan kini aron nga mas mapalapdan pa ang pagpanalipud sa siyudad.
Mipailalom ang PS39 sa repair and rehabilitation works ngadto sa South Korea ayha paman kini na-commision sa serbisyo kaniadtong Agosto 5, 2019.
