DAVAO CITY- Dali lamang sumala pa nga mapa-implement sa taga Davao City Police Office (DCPO) ang laraw karon mahitungod sa 3 minute response time, kung ugaling adunay mga dili matagnaan nga mga panghitabo sa palibot partikular na kung kini anaa sulod sa dakbayan sa Davao.
Dugang sab sa tigpamaba sa DCPO nga si P/Capt. Hazel Tuazon nga bisan pa man kaniadto nga wala pay susamang kamanduan, ginabuhat na kana sumala pa sa mga kapulisan sa Dakbayan ang mahitungod sa dali nga pag responde sa mga panghitabo nga nagakinahanglan sa presensya sa mga otoridad.
Nahimo sab kining epektibo sa dihang kung kahinumdumang adunay nahitabong pag panunggab sa F. Torres St. nga dali kining na respondehan sa kapulisan, hinungdan nga nasikop gilayon ang tulo ka mga indibidwal nga maoy responsable sa pagpanunggab.
Dugang pa niini nga sumala pa dugay na nga adunay susamang kaabtik nga muresponde ang DCPO ug lakip na usab ang paghatag ug serbisyo ngadto sa mga lumulupyo sa dakbayan ug mapabiling luwas ang kahimtang sa mga lungsuranon ug pinaagi na usab kana sa kooperasyon gikan sa katawhan.
