DAVAO CITY – Padayon ang gihimong profiling sa kapolisan sa dakbayan sa Digos inabanga sa Provincial Social Welfare and Development (PSWD) sa mga lalin sa dakbayan sa Digos nga gikan pa sa dakbayan sa Marawi.
Kagahapong adlawa dunay 74 ka mga individual nga anaa midangop sa Sitio Power, Barangay Tres De Mayo, Digos City ang nagpatala sa PSWD sa Davao del Sur Provincial Capitol gumikan kay nangayo sab sila ug dugang hinabang nga pagka-on gumikan kay wala na sila’y maka-on gumikan kay tapot lawas lamang ang ilang dala sa ilang pag-ikyas gikan sa gubot nga dapit sa dakbayan sa Marawi.
Nasayran nga ang PSWD sa pagpanguna ni Geraldine Lano personal nga nakigkita kang Davao del Sur Governor Douglas ‘Dodo’ Cagas dala ang talaan sa 74 ka mga bakwit.
Daghanan sab sa mga bakwit ang nagpabilin sa Barangay Zone I sa Marawi City, ug ang uban anaa sa Barangay Aplaya, dakbayan sa Digos.
Mihimo na sab ug pagpanubay ang buhatan sa kagamhanang lokal sa dakbayan sa Digos nga gilakipan sa kapolisan.
Ang tanan nga mga bakwit gikuha-an ug mga hulagway aron nga maseguro nga dili makalusot ang pipila ka mga terorista nga gikan sa dakbayan sa Marawi.
