DAVAO CITY- Nasakmit sa hiniusang pwersa sa Task Force Davao, Davao City Police Office ug Bureau of Customs XI ang smuggled nga sigarilyo na nagkantidad og P8,787,000 kagahapong adlaw sa Sirawan Entry Point, Brgy. Sirawan, Toril District ning dakbayan sa Davao.
Subay sa report sa otoridad, nakumpiska ang maong iligal nga kontrabando gikan sa mga suspetsado nga sila Dante Cabasan, 26 anyos ug residente sa Brgy. Bonbon, Cagayan de Oro ug kaubanan niining si Dennick Earl Flores, 33 anyos ug residente sa Zone 7, Patag Target Range, Cagayan de Oro.
Ang maong mga suspetsado ang sakay sa Puti nga Isuzu Forward Wing van ng adunay kargang 303 master cases sa smuggled nga sigarilyo.
Matud pa nga ang maong mga suspetsado ang giturn-over na ngadto sa Toril Police Station ug Bureau of CUstoms XI alang sa tukmang disposisyon nga adunay kalabutan sa pagsupak sa Republic Act No. 4712 o ang balaod nga naga-amyenda sa Tariff and Customs Code of the Philippines.
