DAVAO CITY – Nakatala ug dakong kadaut ang mga mag-uuma sa Davao del Sur sa ilang mga pananom sa milabay nga Marso 31 ning tuig kasamtangan diin anaa sumala pa sa P231 milyon kini tungod sa dry spell kini base sa gipagula nga report gikan sa Department of Agriculture (DA)-11.
Sumala pa kang Jose D. Pascua, focal person sa Disaster Risk Reduction and Management sa DA-11, kinatibuk-ang 6,507 ka mga mag-uuma ang nakasinate ug grabe nga epekto sa El Niño sa probinsiya nga gipailalom sa state of calamity.
Aron nga matabangan ang mga mag-uuma, gitataw ni Pascua nga nagpahigayon ang DA-11 ug pre-deployed open source pumps ingon man nanghatag ug buffer stocks sa mga semilya, tambal ug biologics alang sa mga binuhi nga mga kahayopan ug chemicals batok sa mga peste ug disease outbreaks.
Nagpadayon sab sumala pa karon ang Cloud seeding activities aron nga maluwas pa ang mga pananom nga hinay-hinay ng na-uga gumikan sa hulaw.
Pipila sa mga lugar nga naapektohan ang gilangkuban sa Bansalan, Hagonoy, Kiblawan, Magsaysay, ug Matanao, nga adunay kinatibuk-ang P155.655 million o 75 hectares nga kinatibuk-ang kadaut ug 3,582.76 hectares ang partially destroy.
