DAVAO CITY – Nanawagan ang ahensiya sa Overseas Worker Welfare Administration (OWWA) Davao region ngadto sa mga Overseas Filipino Workers (OFWs) nga kinahanglan pabilin kini nga aktibo sa ilang membership sa ahensiya aron nga padayon kini nga makapahimulos sa mga ayuda nga ihatag sa buhatan sa umaabot nga panahon.
Sumala pa kang Petrona Bergado, regional director sa OWWA-11, dakong tabang ang membership sa OFWs kini aron matabangan sa ahensiya ang mga nahisgutan sa higayon nga madisgrasya kini samtang anaa sa ilang trabaho sa abroad.
Aron nga magpabilin nga aktibo, kinahanglan sumala pa nga mobayad ang employer sa OFW ug 25$ membership bisan kadtong mga bag-o pa lamang nga nag-abroad.
Una na sab nga gibutyag ni Bergado, nga aktibo pa gihapon karon ang ilang “balik-Pinas balik hanap buhay program” diin ang mga OFWs nga wala nay plano nga mobalik sa abroad maka-avail sa ilang mga programa sama na lamang sa ihatag nga ayuda, scholarship grant alang sa mga anak sa OFW ug Livelihood assistance.
