DAVAO CITY – Patay diha-diha ang usa ka NPA Deputy Secretary sa Brgy. Canocotan, Tagum City atol sa hiniusang operasyon sa mga sakop sa 71st Infantry (Kaibigan) Battalion Intel units, 1001st Brigade, 10MIB, ISAFP, PNP ug CIDG Tagum City.
Una niini, nakadawat ug impormasyon ang otoridad gikan sa concerned citizen nga ilang namatikdan ang grupo sa Communist NPA Terrorist (CNT) ilalom ni alyas Jay Pogs sa Brgy. Canocotan, Tagum City hinungdan nga naglusad gilayon ug operasyon si Lieutenant Colonel Esteveyn E Ducusin, Battalion Commander sa 71st IB ug gimandoan niini ang iyang mga sakop nga imonitor ug kumpirmahon sa nahisgutan nga dapit.
Human makumpirma, gilayon nga gisilbi sa otoridad ang warrant of arrest batok kang A.K.A Jay Pogs sa iyang safe house sa Brgy. Canocotan, Tagum City, Davao Del Norte nga adunay standing warrant of arrest sa Serious Illegal Detention. Human namatikdan nga adunay presensiya sa militar, gilayon nga nagpaboto ang dili matino nga ihap sa CNT ngadto sa tropa sa kagamhanan nga maog hinungdan sa lima ka minuto nga engkuwentro.
Gikanayong usa ka alyas Jill nga armado ug M16 rifle nga adunay siyam ka mga buhing bala ang napatay samtang ang iyang kaubanan ug usa ka Jay Mendoza A.K.A Jay Pogs ang paspas nga miikyas ug gibiyaan si A.K.A Jill.
Nasayran nga si alyas Jill mnga adunay tinuod nga pangalan nga Cindy Terado mao ang Deputy Secretary sa Weakened Guerilla Front 2 (WGF 2), Sub-Regional Committee 2 (SRC 2), Southern Mindanao Regional Committee ug gikanayong live-in partner ni A.K.A Jay Pogs. Narekober sa lugar ang gitanom nga IED nga aduna cellphone, residuals sa drug paraphernalias ug mga subersibong dokumento. Narekober sab ang puti nga sobre nga gituohang gikan sa extortion sulod sa nahisgutan nga balay. Ang patay’ng lawas ni A.K.A Jill ang anaa sa kustodiya sa PNP Tagum alang sa tukma nga disposisyon samtang nagpadayon karon ang gilusad nga pursuit operation sa kasundalohan.
