Luyo sa nagapadayong pag-ulan sa pipila ka bahin sa nasud, gisiguro sa National Food Authority kon NFA ang pagpadayon sa pagpalit niini og humay gikan sa mga mag-uuma.
Sigon ni NFA Administrator Larry Lacson nga magpabilin gihapon ang taas nga presyo nga ginagamit sauna sa NFA nga P23- P30 matag kilo alang sa dry kon uga nga human, ug P17- P23 matag kilo alang sa mga bag-ong ani nga palay.
Sumala sa opisyal, nagapadayon ang ginabuhat nga pagpasaka sa stock sa humay sa mga bodega niini, isip pagpangandam usab sa panahon sa kalamidad kong diin mas taas daghan ang gikinahanglan nga mga stock sa NFA rice tungod ginagamit kini sila sa mga relief operations.
Hangtod sa ulahing bahin sa Hunyo, nakabuhay na ang ahensya nga mopalit og kapin 3.5 million nga sako sa palay, diin dul-an duha ka libo nga mas taas kini kon itandi sa target nga 3.3 million.
Sa kasamtangan, hugot ang koordinasyon sa mga NFA field offices sa mga mag-uuma, kooperatiba sa mga mag-uuma ug mga asosasyon aron magpadayon gihapon ang procurement. Sumala kay Lacson, lakang na usab kini sa ahensya aron matabangan ang mga mag-uuma nga magkadugang nga kita.
