DAVAO REGION- Mikunhod ug jes porsyento(10%) ang natala nga enrollees karon nga school year dinhi sa dakbayan sa Davao.
Kini ang gibutayag sa opisyal sa Department of Education (DepEd) – Davao City Division nga subay sa ilahang natala, adunay 419,552 ka mga enrollee alang sa School Year (SY) 2024-2025 sukad niadtong gabii sa wala pa nagsugod ang pormal nga klase.
Apan sumala pa sa Schools Division Superintendent nga si Rey Solitario, nagalaom pa gihapon sila nga adunay daghang mga magpa-enroll samtang nagsugod na ang klase.
Subay sa datos sa DepEd Davao, adunay 26,177 ka mga tinun-an ang na-enrolled sa kindergarten, 202,081 sa elementarya, 127,169 sa junior high school, ug 64,125 sa senior high school.
Gikanayon sab niini nga ang dagkong mga eskwelahan nga adunay daghang tinun-an sa syudad ang magpahigayon ug duha ka bahin nga klase sa buntag ug hapon.
Samtang sa laing bahin karon sab nga tuig pagasugdan na sa pagpatuman sa MATATAG curriculum alang sa kindergarten ug sa Grade 1, 4, ug 7 sa tanang public ug private nga mga tunghaan sa tibuok nasud.
Una ng gipirmhan ang usa ka DepEd Memorandum Order 10 series of 2024, sa bag-ong Education Secretary nga si Sonny Angara, nga ang bag-0ng curriculum ang angay nga magsilbing “prescribed minimum standards sa tanag public ug private schools, state universities ug colleges, ingon man ang Philippine Schools Overseas (PSOs) nga nagtanyag ug basic education.
Alang sa SY 2025-2026, tanang kindergarten, elementary, ug secondary students, gawas lang sa Grade 6, 9, ug 10, ang kinahanglan nga mosunod sa curriculum. Samtang pag-abot sa sunod nga school year, 2026-2027, ang DepEd, mo-obliga na sa tanang public ug private schools sa tibuok nasud nga mosunod sa curriculum.
Kahinumduman nga una ng gilusad ang MATATAG curriculum, niadtong Enero sa miaging tuig ni kanhing Education Secretary VP Sara Duterte Carpio.
