DAVAO CITY – Gibasol sa usa ka Emmee Balugbog, 38 anyos, residente sa San Antonio, Agdao ang dautan nga epekto sa illegal nga druga hinongdan nga napatay niya ang tigpa-five/ six nga residente sa San Antonio, Agdao nga usa ka Pranan Samson, 47 anyos.
Gi-angkon ni Balugbog nga hugh siya sa illegal nga druga dihang gisaka ang balay sa biktima ug gituok kini ug gibulanan ug bangko nga kahoy hangtud nga namatay.
Una nang nakaplagan ang biktima nga nabulit ug dugom dunay saman sa agtang ug bun-og ang kalawasan human bunali ug bangko sa suspek.
Sumala kang Balugbog nga nadetene karon sa Sta. Ana Police Station nga iya na lamang nga paaboton ang mamahimong dagan sa gi-atubang nga kaso.
Human mapatay ni Balugbog ang biktima nangukay kini sulod sa balay hinongdan nga nakuha ang kantidad nga kwarenta mil ka pesos gikan sa tipiganan sa biktima.
Miikyas siya padulong sa Landasan apan gumikan sa pagkakonsensya sa iyang nahimong nagpakitabang siya sa iyang amahan ug mitahan ngadto sa police nga iyang kabanay sa Maguindanao.
Sa paghibalik dinhi sa dakbayan sa Davao nangayo ug pasaylo ang suspek ngadto sa kabanay sa iyang napatay nga negosyante.
‘Wala na ko kabalo kol kay na ilalum ko sa epekto sa druga. Gipagamit ko sa akong mga kauban nako. Nakautang sa biktima ug P2,000. Misibat ko sa Landasan, Parang, Maguindanao. Mibati ko ug kahadlok ug mi-surrender. Nangayo ko ug pasaylo kay wala na ko kabalo kung unsa ang akong nabuhat. Wala nako gilugos. Wala ko manghilabot sa parte sa iyang lawas.” Pagtin-aw sa Emmee Balugbog, misurender nga suspek sa pagpatay sa tigpa-five/ six.
