DAVAO CITY- Nakaangkon og grabeng bun-og ug samad sa kalawasan ang usa ka motorista human kini mibangga sa iyang kasugat nga sakyanan sa Brgy. Tamugan, Marilog District, ning dakbayan, kagahapon.
Giila ang biktima nga si Adi Maing, 47 anyos, residente sa Marilog District, ning syudad. Sumala pa sa inisyal nga imbestigasyon sa mga otoridad nga samtang naglawig sa Davao-Bukidnon National Highway ang Innova nga sakyanan nga gimaneho ni Billy John Gahiles, 30-anyos, residente sa Gensan nga kalit na lamang matud pa kining gisugat sa motor nga gimaneho sa biktima rason sa pagsampok sa ilang mga gimanehoan.
Gumikan sa kakusog sa impact, daw dili ma maitsura ang motor sa biktima kinsa nakahiagom og daghang samad sa kalawasan ug dali nga gidala sa balay tamblanan alang sa pagpaalim.
Ning kasamtangan, anaa na sa kustodiya sa Marilog PNP ang mga nalambigit nga sakyanan alang sa tukmang disposisyon.
Una nang nagpahinumdom ang kapulisan sa pag-amping sa pagmaneho sa kadalanan,hilabi pa sa mga accident prone areas aron makalikay sa dili maayong panghitabo.
