DAVAO CITY – Wala pa maseguro ang motibo sa pagkapusil patay sa usa ka retired provincial officer sa Department of Agrarian Reform nga naglakaw lamang sa kadalanan sa dakbayan sa Tagum City dihang gipusil-patay.
Nasayran nga riding in tandem nga sakay sa motorsiklo ang mipusil patay sa biktima kagahapon sa buntag.
Nakompirma sa kapolisan nga ang biktima mao ang usa ka Nicasio Aladao Lemente, 68 anyos, usa ka kanhi officer sa Agrarian Reform sa Davao del Norte.
Sumala pa kang Police Inspector Anjanette Tirador, tigpamaba sa Tagum City Police Station nga ang biktima, residente sa of Maximo Village, Union Street, Barangay Mankilam, Tagum City, naglakaw lamang nga nag-inusara ang biktima mga alas 8:00 kagahapon sa buntag sa dihang gipusi.
Ang angkas ang mipusil sa biktima kinsa nakabalos pa.
Sumala sa Tagum City spokesperson nga na-check na ang kasikbit nga mga hospital alang sa usa ka lalaki nga dunay samad pinosilan.
