DAVAO CITY – Gi-turn over gilayon ngadto sa Cotabato City Police Office ug CIDG- BAR ang tulo (3) ka mga pasahero sa usa ka mini van human nga nababagan ang mga nahisgutan sa checkpoint sa Task Force Davao ug Davao City Police Office sa Sirawan Toril, ning siyudad.
Una ng nasayran sa otoridad nga ang gisakyan sumala pa nga kolor itom ang van sa pipila ka mga indibidwal ang posible sumala pa nga gigamit sa pagpusil patay sa usa ka retirado nga pulis sa Cotabato sa milabay nga adlaw.
Nagtoo ang otoridad nga posibleng gate way vehicle ang maoy sakyanan human ang pagpusil kang Cotabato City Public Safety Officer PCol. Rolen Balquin sa Sinuat Avenue, Rosary Heights 10, Cotabato City nga maoy hinungdan sa iyang hinanali nga kamatayon.
Gibabagan ang maong sakyanan sanglit susama ang paghulagway niini sa mga nakasaksi ug subay na sab sa na-record sa CCTV duol sa shooting incident.
Gipatambalan sab karon sa Davao Medical School Foundation (DMSF) Hospital ang laing duruha ka mga sakay nga indibidwal diin usa sumala pa niini ang nakasinate ug mild stroke.
Nagpadayon karon ang gihimong pagsukit-sukit sa mga otoridad human ang insidente.
