DAVAO CITY – Gipasalig sa opisyal sa Mindanao Development Authority (MinDA) nga adunay igong supply sa kuryente ang nagsingabot nga eleksiyon ug giwagtang niini ang kabalaka nga adunay masinatian nga brownout panahon sa pinili-ay.
Sumala pa kang MinDA public relations head Adrian Tamayo nga ang power plants sa Mindanao ang anaa sumala pa sa 3,000 megawatts (MW) samtang ang excess sa supppyl ang anaa sa 767 MW sa election day.
Sa pikas nga bahin, ang power transmission operator National Grid Corporation of the Philippines (NGCP) ang nagpagula ug pahimangno kaniadtong Enero niining kasamtangan nga tuig nga laoman sumala pa ang nipis nga power supply karung summer tungod sa taas nga demand niini karung new normal ingon man highlights sa gikinahanglan nga mga polisiya arun masiguro ang igong supply sa kuryente alang sa nagsingabot nga presidential elections sa bulan sa Mayo.
Tipik lamang kini human nga gibutyag sa Department of Energy (DOE) nga ang total peak demand nga 12,387 MW alang sa Luzon ang sagad masinatian sa ulahing semana sa Mayo o 747 MW increase gikan sa actual 2021 peak load nga 11,640MW nga nasinatian kaniadtong May 28, 2021.
Sa Visayas, ang peak demand sagad nga masinatian sa Disyembre kini tungod sa mga aktibidad nga ginapahigayon sa holiday season, samtang dinhi sa Mindanao, ang peak demand sagad masinatian pagsulod sa bulan sa Agosto.
