DAVAO CITY – Wala’y puas ang gilusad nga military operation batok ngadto sa mga rebeldeng New People’s Army (NPA) nga mi-atake ug misunog sa mga planta sa Lapanday Foods Corporation sa Mandug, ning dakbayan sa Davao.
Sumala pa kang Col. Erwin Bernard Neri, Commander sa Task Force Davao (TFD) nga ang mga misulong sa Lapanday Box ug Plastic Plant mga dayo apan duna lama’y mga kontak dinhi sa dakbayan.
Gitataw niya nga ang Task Froce Davao (TFD) igo lamang mi-back-up sa dapit gumikan kay area of operation kini sa 3rd Infantry Batallion ug sa 1003rd Brigade Philippine Army.
Dayo lamang ang mga suspek ug dili gikan dinhi sa dakbayan sa Davao. Posibling lamang sumala pa nga duna sila’y mga contact sa dakbayan hinongdan nga nakagamit ug mga mahalon nga mga sakyanan nga mao ang ilang gisakyan sa pagsulong sa Lapanday.
Gitataw ni Col. Erwin Bernard Neri nga mamahimong kapugngan ang susama nga mga pagpangatake sa mga mga rebeldeng NPA kung duna lama’y tukma nga pakig-alayon ang mga residente sa usaka dapit nga anaa ang panagtapok sa mga suspek.
