DAVAO CITY – Wala sumala pay mga kolehiyo ug unibersidad dinhi sa Davao region ang nagpatuman ug pagsaka sa ilang tuition ug uban pang bayrunon kini human nga wala pa gi-aprubahan sa Commission on Higher Education (Ched) Central Office ang ilang palikasyon alang sa tuition increase.
Sumala pa kang Christopher Pio Pulido, Education Supervisor II sa Ched-Davao nga sa 96 ka mga colleges ug universities sa rehiyon, 34 lamang niini ang nag-apply ug tuition fee increase diin 22 niini ang sa dakbayan sa Davao.
Gitin-aw ni Pulido nga ang ideal rate sa tuition fee increase kinahanglan nga dili molabaw sa inflation rate sa rehiyon diin sa kasamtangan anaa sa 5.6 percent.
Dugang ni Pulido nga nasabtan sa commission ang mga tulonghaan ilabi na kadtong mga dagkong unibersidad nga wala nagsunod sa suggested ideal rate of increase sa ahensiya sanglit kinahanglan nila nga mahatagan ug satisfaction ang ilang mga unions ug ang ilang collective bargaining agreements.
