Dagsa ang daghang mga pasahero sa Davao city Ecoland Terminal (DCOTT) kagahapong adlawa.
kadaghanan sa mga pasahero buot nga mopa-uli sa ilang tagsa-tagsa ka mga probensiya aron moboto sa eleksiyon.
Wala nay interval ang byahe sa mga bus paingon sa nagkadaiyang probensiya sa davao region gumiikan kay dali lamang kini mapuno ug mga pasahero.
Gani mao pay pag-abot sa bus sa terminal mag-ilugay na ang mga pasahero sa pagsakay ug ang uban mosugot na lang magtindog na lamang aron lang maka-apas sa byahe.
Samtang, ang uban nga mga bus wala na misunod sa minimum public health standards (MPHS) gumikan sa paghuot na sa bangko sa mga pasahero.
Hinuon, gipasalig sa DCOTT nga adunay igong ihap sa mga bus nga mobyahe paingon sa nagkadaiyang mga probensiya sa davao region.
Hinuon, sukad pa niadtong milabay nga adlaw daghan nang mga pasahero ang nangabot sa DCOTT aron mopa-uli ug sayo sa ilang tagsa-tagsa ka mga probensiya.
