DAVAO CITY – Nakatala ang City Government of Davao ug 380 ka patay gumikan sa COVID19 gikan Enero hangtud Nobyembre, ning tuiga.
Matud pa ni Dr. Michelle Schlosser, nahilakip sa maong ihap ang unom ka mga nakabsan ug kinabuhi gumikan sa kagaw. Gikan sa maong ihap, duha ang wala nakapabakuna ug upat ang wala nakapa-booster shots.
Busa gipasibaw sa Davao City COVID-19 Task Force ang importansya sa pagpabakuna kontra kagaw mapa-primary doses kon booster pa man alang makabaton ug dugang proteksyon.
Naglaraw sab ang buhatan nga magbaton ug zero COVID-19 deaths ang dakbayan sa musunod pang mga adlaw.
Gikanayon sa tigpamaba sa buhatan nga dili garantiya ang kinatibik-ang proteksyon gikan sa bakuna tungod sab sa gipaluag nga mga restriksyon apan gipamubo sab niini ang kumplikasyon nga posibleng mahiagum kon matakdan sa maong kagaw.
Magpadayon ang school-based vaccinations sa mga tulinghaan matag Biyernes alang sa mga magtutungha nga dunay pagtugot sa ginikanan, samtang available sab ang mga bakuna sa mga district health centers; ug matag Sabado-Dominggo sa Peoples’ Park hangtud Disyembre gikan alas-8 sa buntag hangtud alas-3 sa hapon.
via || Bombo LJ Florendo
