DAVAO CITY – Nagpagawas ug show-cause order ang DENR 11 ngadto sa mga nahimuyo duol sa Mount Apo Natural Park.
Nagpagula ug kamanduan si Regional Executive Director Bagani Fidel A. Evasco pinaagi kang Protected Area Superintendent Archelito L. Mallari nga magpahigayon ug usa ka probe proceeding sa mga establisyemento ug kabalayan duol sa maong protected area.
Agig pagsuporta, nagpahigayon ug courtesy call si Digos City Mayor Josef Cagas uban ang Provincial Environment Head Alberto Bandiola kaniadtong Disyembre 1 aron mabansay ang mga regulasyon sa maong parke sulod sa Digos City lakip na ang mga nahimuyo sa Barangay Kapatagan.
Nagpakanaog sab ug show cause order ang lokal nga panggamhanan sa lungsod sa Bansalan ngadto sa mga tag iya sa mga resorts, camping sites, ug mga sikat nga suroyanan sa mga barangay duol sa protected area.
Nagmuntar na sab ug restriksyon sa mga ilegal nga illegal trekking and camping activities sa mga barangay sa Tagurano, Eden, Catigan, Tungcalan, ug Tamayong, sa Davao City, diin gipangmuntar na sab ang mga signages sulod sa Strict Protection Zone.
Kana nga lakang sa DENR 11, mipasailawon sa Republic Act 9237 kon Mount Apo Protected Area Act of 2003, ug RA 7586 o National Integrated Protected Area System Act of 1992 nga giamyendahan sa RA 11038 kon Expanded National Integrated Protected Area System Act of 2018.
VIA || Bombo LJF
