DAVAO CITY- Hinay-hinay na sa pagdagsa ang mga ginikanan ug guardian sa mga eskwelahan dinhi sa dakbayan sa Davao ilabi na ang Magallanes Elementary School aron nga ipa-enroll ang ilahang mga studyante alang sa school year 2024-2025.
Atol sa eksklusibong paghinabi kang Mrs.Luzviminda P. Medina, usa ka School Teacher, ug brigada coordinator nga pagsugod kagahapong adlawa, atong sa opening sa enrollment, adunay 251 na ka mga magtutungha ang na-enrolled.
Kadaghanan niini naggikan sa kindergarten nga level, samtang aduna matud pay pito niini ang nga transferee nga naggikan pa sa private schools.
Samtang sa pikas bahin, gikananayon usab sa nahisgutan nga nagsugod na ang enrollment kagahapon adlawa, ug hangtod kini karung umaabot nga Hulyo 22.
Samtang ang brigada skwela magsugod usab karung umaabot nga Hulyo 22 hangtod Hulyo 26 diin ang ang Abri klase karung umaabot nga Hulyo 29 tuig kasamtangan.
Gilauman sab nga managhan pa ang mga magpa enroll sa maong tulunghaan diin sumala pa mukabat sa sobra upat ka libo ang mga studyante niini ang gilauman matag school year.
Nanginhanglan usab og tabang gikan sa mga nagkadaiyang sektor ang maong tulunghaan gumikan dili paigo ang pondo sa gobyerno alang sa mga galastuhan sa skwelahan sama sa kuryente ug tubig ug uban pa.
