DAVAO CITY- Na-rescue sa mga otoridad ang usa ka menor de edad samtang kauban usab niini nga nadakpan nga si alias “MASTER” human sa gipahigayon nga drug buybust operation pasado alas jes kagabii sa Purok 4 Suhai Village, Barangay Bago Gallera, ning dakbayan sa Davao.
Malampuson nga nakumpiska sa mga otoridad ang mga gituohang pinauga nga dahon sa marijuana sa usa ka alias “Master” 20-anyos, ulitawo nga residente sa Purok Kalubin-an Brgy Daliao, Toril ning dakbayan sa Davao.
Samtang ng usa ka menor de edad nga na-rescue naila nga si alias Mark 16-anyos, nga residente sa Lizada Toril, ning syudad.
Nakumpiska sa ga otoridad ang mga nagkadaiyang putos sa marijuana, ug adunay bloke sa marijuana nga sa kinatibuk-an nagkantidad kini ug Php 135,000 nga standard drug price.
Samtang nakumpiska sab gikan sa mga nahisgutan ang cellpohone nga gigamit sumala pa sa transaksyon, siling bag nga gisudlan sa kontrabando ug lakip na ang motorsiklo nga gisakyan suumala pa sa mga nahisgutan sa pagpayuhot ug iligal nga droga.
Sa karon gikustudiya na sa kapulisan ang dinakpan ingon man ang na-rescue nga menor de edad. Kasong pagsupak sa RA 9165 ang atubangon sa mga nahisgutan.
