Gipahayag sa Presidential Anti-Organized Crime Commission (PAOCC) nga adunay insaktong ebidensya aron kasuhan ug magpagawas ug arrest warrant batok kang Bamban, Tarlac Mayor Alice Guo nga giakusahan ug enabler sa usa ka illegal POGO hub sa lungsod niini, kini ang giluwatang pamahayag ni PAOCC Spokesperson Dr. Winston John Casio.
Masaligon sila nga ang panel of prosecutors nga mupahigayon ug preliminary investigation ang madani sa ebidensya gumikan kay lig-on ang ilahang ug hingpit nang mapasakaan ug kaso ang mayor ug mapagawsan na ug warrant of arrest aron makita sa katawhang Pilipino nga kung muhimo ug bino-ang ang adunay padulngan.
Nagpasaka ug reklamo ang PAOCC ug Philippine National Police-Criminal Investigation and Detection Group (PNP-CIDG) batok sa suspendidong Bamban Mayor Alice Guo ug uban pa, gumikan kuno sa human trafficking sa gironda nga Philippine Offshore Gaming Operator (POGO) hub sa lungsod niini.
Nagtuo ang opisyal ang pagpasaka ug reklamo batok batok sa Bamban mayor ang nakamugna ug chilling effect sa uban pang illegal POGO operators.
Nagbahad usab kini sa ubang opisyal sa gobyerno nga nagprotekta sa illegal POGO hubs. Kung kahinumduman, nagpadala ug clarification letter ang kampo ni suspended Bamban Mayor Alice Guo, homan kini personal nga gihatod sa duha ka legal counsel sa mayor.
