-- ADVERTISEMENT --
DAVAO CITY – Gikalipay ni Vice Mayor Sebastian Duterte ang gipahigayon nga Marine Pollution Exercise 2019 nga gisalmutan sa mga foreign vessels sa Indonesia, Japan ingon man sa Philippine Coast Guard (PCG).
Atol sa closing ceremony kagahapong adlawa, usa sa mga dinapit si Vice Mayor Baste diin sa iyang mensahe nagpasalamat kini gumikan kay dinhi sa dakbayan gihimo ang maong aktibidad ilabi na nga usa ang mga pantalan sa siyudad sa pinaka-okupado sa nasod.
Dako sab ang pagpasalamat sa opisyal sa mga nahimong kabahin sa maong aktibidad.
Kahinumduman nga laraw sab sa Marpolex 2019 nga mapalig-on pa ang relasyon sa mga silingan nga nasod sa Asya.
