Mitambong sa unang higayon sa korte si Mark Zuckerberg, ang CEO sa Meta Platforms ug founder sa Facebook,kalabutan kini sa hearing mahitungod sa epekto sa Instagram sa mental health sa mga kabatan-unan nga nigamit, samtang nagpadayon ang usa ka landmark nga pagtaral kabahin sa youth social media addiction.
Kahinumduman nga una nang miatubang si Zuckerberg kaniadto sa Kongreso kabahin sa maong isyu.
Giisip usab sa pipila ka mga eksperto sa balaod nga mas taas karon ang nakasugal tungod usa kini ka jury trial nga gipahigayon sa Los Angeles, California.
Posibleng pabayron sumala pa sa danyos ang Meta kung mapildi kini sa kaso.
Gikabalak-an usab nga mahukman sa korte nga sad-an kini nga moresulta sumala pa sa pagkaluya sa dugay nang legal nga depensa sa Big Tech batok sa mga alegasyong nakahatod og kadaot sa mga users ang ilahang mga plataporma.
